प्रदेश सरकार
स्वास्थ्य तथा जनसंख्या मन्त्रालय
स्वास्थ्य निर्देशनालय

बेनी अस्पताल

गण्डकी प्रदेश, म्याग्दी, नेपाल

बेनी अस्पतालमा आँखाको उपचार सेवा सुरू



बेनी अस्पतालले आँखाको उपचार सेवा सुरू गरेको छ।

अस्पतालमा उपचारका लागि आउने सर्वसाधारणलाई आँखाको समान्य र जटिल समस्याको उपचार गर्ने गरी आइतबारदेखि सेवा सुरु गरेको हो ।

बिरामीको चाप बढ्दै जान थालेपछि गण्डकी प्रदेश सामाजिक विकास मन्त्रालयको सहयोगमा आँखा उपचार शाखाको स्थापना गरिएको अस्पताल ब्यवस्थापन समितिका अध्यक्ष बेलबहादुर कटुवालले बताए ।

‘आँखा शाखामा अत्याधुनिक उपकरणहरु समेत थप्दै स्तरवृद्धि गरेर जान्छौ,‘दशैंपछि थप सेवा विस्तारको तयारीमा छौ’ कटुवालले भने ।

एक महिनासम्म निशुल्क उपचार गरिने, अनुभवी स्वास्थ्यकर्मी, आधुनिक उपकरण भएकाले पहिलोदिनमै विरामीको चाप बढेको उनको भनाई छ ।

शाखामा आँखाको समान्य र जटिल समस्याको उपचारका साथै पोखरा, काठमाण्डौका विशेषज्ञ डाक्टरहरुसँग समेत समन्वय गरिने अस्पतालले जनाएको छ ।

अस्तपालमा रहेका विशेषज्ञ चिकित्सकको परामर्श तथा थप उपचारमा आवश्यक पर्ने सहुलियत लगायतका सुविधाले समेत विरामी रहेको शाखाकी प्रकृति ढुंगानाले बताईन् ।

उनले स्वास्थ्य बीमाकार्डबाट १ हजार मुल्यसम्मको चस्मा समेत पाईने,नाम दर्ता लगायतका सेवाहरु समेत कार्डबाटै हुने भएकाले लाभ लिन अनुरोध गरिन् ।

अस्पतालले दशै लगत्तैफोकल लेन्ससहितको चस्मा, धातुको फ्रेम भएको लेन्स र प्लास्टिक फ्रेम भएको लेन्ससहितको चस्मा लगायत आवश्यक औषधी समेत अस्पतालभित्रैबाट वितरण गर्ने भएको छ ।

अस्पतालले भविस्यमा शल्यक्रिया सहितको सेवालाई समेत प्राथमिकता दिएको छ ।

बेनी अस्पताल भित्रको सेवालाई सबै स्थानीय तहमा जनचेतनामुलक सन्देशमार्फत प्रचारप्रसार समेत गर्ने भएको छ ।

बेनीमा नेत्रज्योती संघमार्फत सञ्चालित आँखा केन्द्रमार्फत विगत लामो समयदेखि सेवा दिइरहेको छ ।

म्याग्दीमा बर्षेनी लायन्स क्लवमार्फत मोतियाबिन्दु शल्यक्रिया सेवा सहितको शिविर समेत सञ्चालन हुन्छ ।

Download: बेनी अस्पतालमा आँखाको उपचार सेवा सुरू